د لغمان د مرافعه محکمې رئیس د دغه ولایت له یو شمېر ابتدائیه محاکمو لیدنه وکړه
د ۱۴۴۵ هـ ق کال د محرم الحرم میاشتې په ۷مه نېټه د لغمان ولایت د مرافعه محکمې عمومي رئیس ښاغلي الحاج عبدالله (فرقاني) د لغمان ولایت د ښاري محکمې په ګډون د علیشنګ او دولت شاه ولسوالیو له ابتدائیه محاکمو څخه لیدنه وکړه.
په دې لیدنه کې د مرافعه محکمې عمومي رئیس د یادو محاکمو حاضري، د هغوی اداري او قضائي کړنې له نږدې څخه ولیدې چې د هغوی سمې کړنې يې و ستایلې.
دغه راز د مرافعه محکمې رئیس د یادو محاکمو مسؤولینو او منسوبینو ته د وینا پر مهال د ټینګار وکړ چې حاضرۍ ته پابند اوسي، د خلق الله کارونه په چټکتیا ترسره وکړي.
د مرافعه محکمې رئیس زیاته کړه چې د قاضي په صفت دنده ترسره کول امتیاز نه؛ بلکې الهي امانت دی، دا باید منحیث د مسؤولیت قبول کړو ترڅو مو د اسلامي امت خدمت په صداقت او امانتدارۍ ترسره کړی وي او په اخرت کې موخپل رب (جل جلاله) له ځان څخه راضي کړی وي.
