د جمادی الثانیه د میاشتې د لیدو په اړه د رؤیت هلال مرکزي کمېټې اعلان
د افغانستان اسلامي امارت د میاشتې د لیدو د مرکزي کمېټې د رسمي اعلان په اساس د دغه کمېټې غړو د ګران هیواد افغانستان په هېڅ ولایت کې د جمادی الثانیه میاشت نه ده لیدلې او نه عامو هیوادوالو شرعي محاکمو ته د دې میاشتې د لیدو شاهدي وړاندې کړې ده، په دې اساس سبا پنجشنبه د ۱۴۴۵ هـ ق کال د جمادی الأولی میاشتې ۳۰ مه ده او بل سبا د جمعې ورځ د ۱۴۴۵ هـ ق کال د جمادی الثانیه میاشتې لومړۍ نېټه ده، چې د ۱۴۰۲ هـ ش کال د لیندۍ (قوس) میاشتې له ۲۴مې نېټې سره برابره ده.
