د غور او پنجشېر ولایتونو د حقوقو آمريتونو په یوه میاشت کې (۳۸۳) دوسيو او عرضپاڼو ته رسېدنه کړې ده
د سترې محکمې د حقوقو عمومي ریاست اړوند د غور او پنجشېر ولايتونو د حقوقو آمريتونو په يوه مياشت کې له (۱۹/ ۷/ ۱۴۴۶ هـ ق څخه تر ۱۹/ ۸/ ۱۴۴۶هـ ق) نېټې پورې (۳۸۳) دوسيو او عرضپاڼو ته رسېدنه کړې ده؛ چې جزئيات يې په لاندې ډول دي.
د عرضپاڼو په برخه کې:
د غور او پنجشېر ولايتونو د حقوقو آمريتونو په يوه مياشت کې د مدني، فاميلي او سوداګریزو دعواوو په برخه کې (۲۰۰) عرضپاڼو ته رسېدنه کړې ده.
له دې جملې څخه (۹۰) عرضپاڼې اصلاح او ابراء شوې، (۶۲) عرضپاڼې محاکمو ته لېږل شوې، (۱۴) عرضپاڼې نورو ادارو ته راجع شوې، (۳۴) عرضپاڼې حفظ شوې او پاتې عرضپاڼې تر اجراآتو لاندې دي.
د دوسيو په برخه کې:
د غور او پنجشېر ولايتونو د حقوقو آمريتونو په يوه مياشت کې د مدني، فاميلي او سوداګریزو دعواوو په برخه کې (۱۸۳) دوسيو ته رسېدنه کړې ده.
له دې جملې څخه (۱۶) دوسيې تطبيق شوې، (۱۸) دوسيې محاکمو ته لېږل شوې، (۳۵) دوسيې نورو ادارو ته راجع شوې، (۱۱۴) دوسيې حفظ شوې او پاتې دوسيې تر اجراآتو لاندې دي.
